لماذا تاخر الطيران الحربي عن انقاذ منسي والجنود | ملحمة البرث مسلسل الاختيار الحلقة 28
ازاى الطيران ميطلعش يلحقهم من الاول ..
سؤال ناس كتير سألتة النهاردة
عندك حق انا عذرك عشان انت نضيف و عندك نخوه..
زعلان على اخواتك و مش عايز يكونوا دمهم راح ببلاش او نتيجه استهتار ..
بس القصه مش كدا نهائى ..
بعيدا عن ان منطقة البرث تقع في المنطقة (ج)
اللي دخول الطيران فيها صعب بسبب معاهدة السلام
بس خليني معاك
هحاول ابسطها و اقول اللى فى محيط علمى و ان شاء الله اوصل الصوره بوضوح
قبل اى حاجه
بص كدا على الصوره .. دا المنظر اللى الطيار F16 (اسرع طيارة ممكن تطلع في السلاح الجوي المصري من ناحية الاقلاع ) بتشوفة مع سرعته اللى هى بتوصل ٢،٥ ماخ يعنى ٢١٢٤ كم/ساعه و على ارتفاع ١٤ الف قدم ..
يعنى تميز الاهداف البشريه شبه منعدمه ...
لا دانت كمان عايزه ينقى التكفريين من وسط ابطالنا و يضرب يعني هيموت الكمين باللي فية مع الارهابيين ..
الF16 عشان يضرب على هدف .. بياخد احداثة ويضرب تدمير شامل
متخيل لو الصاروخ اتضرب قطر التدميرى بتاعه قد ايه ؟!
طيب الحل ايه ؟!!
.. طياره اباتشى زى بتاعت رامبو كدا تيجى من فوق وعليها مدفع وتصطاد فى العرر دول
طيب كويس مدخلتش ليه .. ؟!
دخولها فى المنطقه دى .. خطر يوقعنا فى مصيبه تانيه ..
صاروخ " سام " معفن يوقعلك الطياره بالطقم اللى عليها
وهتبقى الخساير بتذيد .. يبقى الدعم البرى هو الاوحد الانسب للدعم ..
على فكره احنا شفنا طياره ضربت صاروخين
فعلا دا حصل .. ضربت صاروخين فى جنب كدا بعيد عن المنطقه خلت التكفريين يخافوا بس مصابتش حد ..
+ الطيران بياخد وقت علي ما يطلع مش عملية سهلة ابدا
دلوقتى التكفيرى اللى واقف على رجليه مباقش يخاف زى الاول .. عشان عارف ان الطيار مش هجيبه
بس متقلقش .. تم تطوير التسليح الجوى و البرى اللى بسببه ناس كتيره كانت ضده و بتقول سلاح ايه اكلوا الغلابه الاول
وفى النهايه وقارن عدد العمليات الارهابية قبل تطوير الجيش وبعد احنا ف ٢٠١٥ كان فى ٥٥٠ عملية ارهابية . دلوقتى ٨ عمليات .
ياريت نساندهم قدر الامكان لان دى حالة حرب.. مصر قدمت شهداء كتير فى مر العصور
مش منسى ورجالته بس ... ولسه هتقدم
ربنا يرحمهم جميعا ويثبت اقدامنا و يوحد صفوفنا وينصرنا على من يعادينا
خبر من جريدة اسرائيلية ان الطيران المصري بيخترق المجال الجوي الاسرائيلي واسرائيل بتشتكي يعني احنا اصلا اوقات كتير بنضرب شروط معاهدة السلام في الحيطة من بعد ٢٠١٤ والطيران علي طول بيضرب تجمعاتهم بس لازم تبقي الضربات متخطط ليها كويس اوي مش فجأة امريكا لسة من شهر بس بتدرس سحب قوات حفظ السلام من سيناء واعتراض من اسرائيل اة صحيح لية الارهابيين مش بيضربو قوات حفظ السلام؟ في النهاية دا علم كبير مش سهل العلوم العسكرية دي معقدة وصعبة الناس العادية عمرها ما هتفهم الحقيقة او شكل الحرب وانواعها
كل واحد هيقول كان ممكن وكان ينفع ولية
وهوا ميعرفش حاجة في العلوم العسكرية نهائي واية ينفع واية لا في الحالات دي
