تجربتي اعرف ازاي اشتريت شقة في مبادرة التمويل العقاري في مكان عجبني شقق تقسيط ٣٠ سنة استلام فوري

+ حجم الخط -

ما هو التمويل العقاري ؟ 


عزيزي الزائر بعد معرفة تحربتي في مبادرة التمويل العقاري ستجد موضوع عن شقق الاسكان الاجتماعي ايضا" الاعلان السادس عشر الذي سيتم طرحه خلال ايام ان شاء الله 

تجربتي اعرف ازاي اشتريت شقة في مبادرة التمويل العقاري في مكان عجبني شقق تقسيط ٣٠ سنة استلام فوري 

قرض التمويل العقاري من بنك مصر, قرض التمويل العقاري البنك الاهلي, قروض التمويل العقارى, كيفية حساب قرض التمويل العقاري, قروض التمويل العقاري في مصر, شروط قرض التمويل العقاري البنك الاهلي, قرض التمويل العقاري

التمويل العقاري هو قرض بتاخده من البنك علشان تشتري شقة في اي مكان يعجبك يعني انت بتختار كل حاجة المكان والدور والمساحة بتختار براحتك بس في شروط فحكيلكم تجربة شخصية لشخص قدم علي المبادرة واخد القرض واشتري شقته في المكان اللي عجبه فركز معايا واقراء التجربة كويس واستفاد منها علشان تجيب شقتك بالتقسيط وتكون ملكك مش ايجار

عزيزي الزائر الفيديو ده مهم وفيه معلومات مش هتسمعها غير في موقعنا 

خطوات الحصول علي شقة في مبادرة التمويل العقاري في اي مكان يعجبك 

سلامً عليكم، حبيت انقل تجربتي بشان مبادرة التمويل العقارى ٣٪؜، عشان الكل يستفاد، و خير الناس انفعهم للناس.

مبدئيا انا حابب اوضح ان تجربتى مع شقه ليست ضمن مشاريع الدوله مع التوضيح ان مشاريع الدوله اسهل بكتير في الاجراءات لانها المقصوده بشكل مباشر من المبادره و طبيعى ان مشاريع الدوله ورقها كله سليم وتصلح المبادره وليك الاختيار بين المزايا والعيوب مع ملاحظة ان الشقق العاديه بتاخد المساحه الى انت عايزها والتوضيب الي يعجبك والمكان المناسب الى مشً شرط يكون في اماكن حديثة العمران، بالنسبالي انا خدت شقه ليست من مشاريع الدوله، بالاضافه انك ممكن تختار  اى مكان تلاقيه يصلح للتمويل و هوضح حالا المقصود بيصلح للتمويل.

يصلح تمويل يعنى حاجه من اتنين لاما الشقه مسجله شهر عقارى و هو ده التمام والمطلوب، او تكون قابله للتمويل و ده معناه ان الشقه مش مسجله لكن الارض الي مبنى عليها العقار مسجله شهر عقارى وبالتالي تكون قابله( مع ملاحظة ان في بنوك كتير بتقول انا مباخدش غير الشقه المسجله مع ان ده مش صح طبقا للمبادره، و ده ممكن يكون تعقيد في الاجراءات يرجع لاسباب كتير ومنها ان في بنوك اصلا عندها كمبوندات تصلح للتمويل و بيسوقوها بسعر غالي و عايزين يبيعوها) لكن في بنوك محترمه وانا اتعامت مع بنك فيصل الاسلامى وهما عندهم خبره في موضوع المبادره وفي يسر في اجراءاتهم ، وكمان معظم فروعه فيها ادارة ائتمان بعكس بنوك كتير ممكن متلاقيش غير فرع او اتنين هما الى عندهم و تضطر تروحله مخصوص و ربما يكون بعيد عنك.

نوضح الاوراق المطلوبه اولا ثم العقبات الي ممكن تقابلك

اولا الاوراق المطلوبه بالنسبه للشقه:

* شهاده بعدم و جود مخالفات و دى بتكون من الحى مع ملاحظة ان الحى مش هيرضى يديك افاده كده من غير ما تجيبله جواب من البنك و ده عادى البنك ممكن يدهولك في حالة لو اتوافق على ورق المشترى من الناحيه الائتمانيه و باقي ورق الشقه، طيب بالنسبه للشقق الي عليها مخالفات مش هتنفع للتمويل وممكن تعرف اذا كان عليها مخالفات من المركز التكنولوجى للحى بدون شهاده يعنى شفويا و ده افضل قبل ما تمشي في الاجراءات و نتفاجىء انها مش هتنفع، بالنسبه للشقق الي كان عليها مخالفات و اتعمل تصالح و طلع نموذج ١٠ فيها يعنى تم دفع مبلغ التصالح بالكامل ده كده بيغنى عن شهادة عدم وجود مخالفات، و حابب اوضح ان لو الشقه في مكان او كمبوند البنك باع فيه قبل كده مش هتحتاج شهادة المخالفات وهتوفر اوراق كتير لان البنك بيكون عنده نسخه منها لانه باع فيها قبل كده.

* صوره من رخصة العقار 

* شهادة تصرفات عقاريه هى نموذج ١٩ او ١٨ و دى بتكون من مكتب الشهر العقارى الي المنطقه تابعه ليه، طيب حد يسال امتا تبقا ١٩ وامتا ١٨، اولا الشهاده دى المقصود منها ان البنك يعرف اذا كان حد مسجلها باسمه في الشهر العقارى و هى هتكون نموذج ١٩ لو تبين انها مسجله بالشهر العقارى، و بتكون ١٨ لو كانت سلبيه بمعنى انه لم يتبين انها مسجله باسم اى حد في الشهر العقارى، انت بتقدم طلب باسمك كمالك الشقه انك عايز شهادة تصرفات عقاريه و هما بقا بيشوفو شغلهم و بيطلعوها و رسمها بسيط لا تتعدى ٥٠ ج

* شهادة كشف جرد رسمي عام و يسمى ايضا استماره ١٢٤، و ده بيكون من مامورية الضرايب العقاريه الي تابع ليها الشقه، و ده بيكون مكتوب فيه اسم صاحب الشقه بحسب سجلاتهم و كمان مقدار الضريبه السنويه وبتسمى ايضا العوايد، والهدف من الشهاده دى انه يتاكد انها مكتوبه عندهم باسم مالك الشقه مش حد تاني يعنى بمعنى اصح بيعتبروه سند ملكيه، طيب حابب اوضح ان الكشف ده مش هيرضو يطلعوه لمالك الشقه اذا كان عليها ضرايب عقاريه، و لازم تبقا فاهم لو قالولك ادفع الضريبه الاول عشان نطلعهولك قولهم انا عايز اقدم طلب اعفاء لان اصلا في الغالب معظم الشقق داخله حد الاعفاء و دى ليها حسبه معينه المهم تبقا فاهم مش تقوله طيب هدفع او تمشي و الموضوع يبقي وقف، لا انت اساله الاول لو داخله حد الاعفاء قدم طلب اعفاء يعقبه تقديم طلب اصدار الكشف الي قلنا عليه.


طبعا فيه اوراق خاصه بالمشترى و هى مفادها كله انه يتم التاكد انه صالح من الناحيه الائتمانيه وانا كلامى هنا عن متوسط الدخل و لو بيشتغل في الحكومه اوراقه بتبقي سهله و هى الاتى؛

قيد عائلي ، مفردات المرتب، برينت تامينات من اى مكتب تامينات ،كشف حساب اخر ٦ شهور، وهيطلب منك فتح حساب في البنك الي هتاخد منه المبادره واستخراج دفتر شيكات عشان هتمضي علي شيكات كضمانات  وزوجتك كمان هتعمل كده لانها هتطلب كضامنه.

و هتقدملهم عرض سعر للشقه اى ورقه يكتب فيها البايع سعر الشقه وانه موافق علي بيعها للمشترى فلان) وطبعا لازم تكون متوضبه و مش مرتبطه بمساحه معينه وطبعا المفروض يكون سعرها ميزدش عن مليون و ربعماءه الف لان لو اكتر مش هتنفع وًفي ناس بتتفق ان الفرق يدفع من برا برا بعيد عن موضوع التمويل

الاجراءات :

لوً اتوافق عليك ائتمانيا بيترد عليك بعدها باسبوع و بيقولك ان انت كمشترى متوافق عليك و انً مرتبك مناسب للشقه او قليل مع ملاحظة ان مفردات المرتب ممكن تجيب اى شهادات تانيه بمكافات او بدلات لكن البنك بيحسب منها النص فقط بالاضافه للمرتب طبعا 

و متوسط الدخل بيدفع ٢٠٪؜ من قيمة الشقه لو الشقه اكتر من مليون و مايه لو اقل بتبقي ١٥٪؜ بالاضافه الى ١٪؜ مصاريف اداريه كاش مش تقسيط

بعد كده بينزلو اتنين مقيمين كل واحد فيهم يكتب تقييمه و بياخدو بمتوسط التقييمين يعنى مش بياخدوا بالتقييم الاعلي، و طبعا بيكون السعر الي بيتحدد هو ده البنك الي بيشتغل علي اساسه حتى لو صاحب الشقه كان عارض عليك سعر اعلي في الورقه الي قدمتوها، وانت بقا ساعتها لاما ترفض و متكملش لاما تدفع لصاحب الشقه الفرق بعيد عن البنك

بعد التقييم لو انت وصاحب الشقه متفقين خلاص بيطلب من المشترى توكيل للبنك بالشراء وبيدى للبنك صلاحيات لضمان حقه و بيطلب من البايع عمل توكيل للبنك ببيع الشقه للنفس والغير وبادارة المرافق عمل و بعدين بيتحدد م معاد لكتابة العقد والاجراءات دى كلها رغم تفاصيلها بس مبتاخدش زياده عن شهر من ساعة تقديم الورق للبنك لكن الوقت في استخراج بقيت الشهادات المشار اليها رغمً ان رسوم الاستخراج بسيطه و مبروك عليكو

طبعا (في ملحوظه مواليد من٨٠ فيما فوق هيتقسط ليهم على ٣٠ سنه لانهم هيطلعوا معاش علي سن ٦٥ طبقا لقانون التامينات الجديد اما الي قبل ٨٠ البنك بيحسبلك انك هتطلع معاش على سن ٦٠ و بيشوف نقصلك كام سنه علي سن ال٦٠) ودى معلومه تتراجع من البنك افضل لكن الي لازم تعرفه انه مش كله هيتقسطله علي ٣٠ سنه) و بتكون دى سنوات التقسيط و طبعا نسبة الفايده ١.٧٪؜ للسنه 

مثال للحسبه عشان تعرف 

لو الشقه بمليون هتدفع ١٥٠ الف كاش مقدم الى هما ١٥٪؜ بالاضافه الي ١٠ الاف مصاريف اداريه هيتبقي ٨٥٠ لو هيتقسطوا علي ٣٠ سنه يبقي ٨٥٠٠٠٠*١.٧٪؜=١٤٤٥٠ في السنه مضروبين *٣٠سنه= ٤٣٣٥٠٠ وده فايدة مبلغ التمويل علي 3٠ سنه

تضيف ٤٣٣٥٠٠+٨٥٠٠٠٠= ١٢٨٣٥٠٠

تقسم المبلغ ده على ٣٠ سنه يطلع في الشهر ٣٥٦٥ تقريبا

و ده كده القسط الشهرى و طبعا الرقم ده المفروض يكون لا يزيد عن ٤٠٪؜ من مرتبك عشان البنك يقبل لان لو بيزيد عن ٤٠٪؜ من مرتبك معنى كده انك لازم تعرض شقه بسعر اقل او تضيف 

شهاده بالمكافات بياخدو نصها و يكملوا بيه

في معلومتين للاضافه: اولا بيتامن علي المشترى ضد الوفاه او التعثر نتيجة العجز الكلي لا قدر الله، يعنى في الحالتين دول شركة التامين هي الي بتدفع البنك الاقساط المتبقيه مش الضامن و ده من ضمن المصاريف الاداريه مفيش زياده،،،، كمان بالنسبه للشقق القابله للتسجيل البنك بعد عملية شراء الشقه فيما بعد بيسجلها في الشهر العقارى باسم المشترى و ده علي حساب البنك المشترى مش هيدفع او حاجه اضافيه لكن البنك بيعمل امتياز او بمعنى انه مبينقلش الملكيه باسم المشترى تماما الا بنهاية الاقساط

وحابب اوضحً ان البايع بيتخصم من الشيك الي البنك بيدهوله ٢،٥٪؜ ضريبة تصرفات عقاريه و عشان كده معظم الي بيبيعوا بيعلوً السعر بس في ناس بتافور جامد

وبالمناسبه الشيك البنك بيديه للبايع في نفس يوم كتابة العقد يعنى انا شايف انها حاجه مضمونه لاى بايع

و في النهايه ياريت لو قريت واستفدت بمعلومه تدعيلي

وشير المقالة دي لكل الناس علشان الكل يستفيد 


 أزاي تأخد شقة في مبادرة التمويل العقاري ؟


بعد ما بتشوف الشقة اللي تعجبك في المكان اللي يعجبك بتحضر الأوراق دي :

١- صورة بطاقة الرقم القومي للأعزب سارية (شباب أو بنات ) 

٢- صور بطاقات الرقم القومي سارية للمتزوجين .

٣- وثيقة الزواج  ، قيد عائلي للمتزوجين.

٤- وثيقة الطلاق للمطلقة ، شهادة الوفاة للأرملة .

٥ - بيان نفقة للمطلقات .

٦- شهادات الميلاد للأبناء تحت سن ١٦ سنة ( أو صور بطاقات الرقم القومي للأبناء سارية فوق سن ١٦ سنة )

٧ - برنت معاش لأصحاب المعاشات . 

٨ - شهادة أثبات دخل من مكتب محاسب قانوني معتمد موجهة لصندوق الأسكان الأجتماعي و دعم التمويل العقاري مؤرخة و مختومة (في حالة الأعمال الحرة ) .

٩ - مفردات مرتب مع بيان المهنة و مجموع صافي الدخل + الحوافز (في حالة الموظف سواء قطاع عام أو خاص ) .

١٠ - أيصالات مرافق حديثة  (غاز _ مياة _ كهرباء ) للشقة المطلوبة .

١١ - جواب من مالك الشقة محدد به السعر المطلوب للشقة ومرفق به جميع أوراق ملكية الشقة .

⛔ وبكده بتكون جاهز أنك تقدم في المبادرة سواء في البنك ، أو علي موقع صندوق التمويل العقاري 

⛔ البنوك المشاركة وعددها 22 بنك 




لمعرفة تفاصيل الاعلان السادس عشر اضغط هنا 

كتابة تعليق