هعرفك النهاردة كل حاجة عن التمريض العسكري والتمريض الشرطي وحاجات تانية مهمة الاول لسه التقديم بيفتح نهاية الترم التاني فتابعني علشان لما يفتح تعرف وتقدم
الفرق بين المعهد الفني الصحي (التمريض العسكري) والمعهد الفني الشرطي ومعاون الامن ومتخصصين (شرطه وحربيه)
عايز تبقا عارف ان المعهد الفني الصحي للقوات المسلحة هو التمريض العسكري وده من ثانوي عام او ازهري فقط مش من اعدادي كان من اعدادية واتلغي نهائي من سنة ٢٠١٥
اولا :المجموع
١-المعهد الفني الصحي (ثانويه عامه علمي علوم او ثانويه عامه ازهريه علمي بمجموع ٦٠% وانجلزي ٧٠% تم نزول المجموع الي ٥٥% بدلا من ٦٠%
٢-المعهد الفني الشرطي (ثانويه عامه علمي علوم او ثانويه ازهريه علمي بمجموع ٦٠%وانجليزي٦٥%
٣- معاون الامن( انتي بتقدمي بشهاده الاعدادية ومن غير مجموع المهم تكوني ناجحه وخلاص فلو معاكي دبلوم او ادبي او حتي كليه فانتي بتقدمي بشهاده الاعدادية بس )
٤- متخصصين شرطه او حربيه ( دي بتبقي بعد الكليه لما تتخرجي ويبقي تقديرك جيد بستني تشوف التخصصات المطلوبه لو تخصصك مطلوب بتقدمي عادي )
ثانيا: سن المتقدم
١-المعهد الفني الصحي من ١٧سنه لحد ٢١سنه
٢- المعهد الفني الشرطي من ١٨سنه الي٢٥سنه
٣_ معاون الامن من ١٩سنه الي٢٥ سنه
٤- متخصصين حتي سن ٢٥سنه ولو معاكي بكالوريوس يبقي حتي سن ٢٧سنه
ثالثا : فلوس الملف
١-المعهد الفني الصحي ٢٠٨جنيه
٢-المعهد الفني الشرطي ١٠٠جنيه
٣- معاون الامن ١٥٠ جنيه
٤-متخصصين ٤٠٠جنيه
رابعا: الطول
١- المعهد الفني الصحي للاناث ١٥٥
٢-المعهد الفني الشرطي للاناث١٦٠
٣- معاون امن ١٦٠ للاناث
٤-متخصصين ١٦٠ اناث
خامسا:المصاريف
١-المعهد الفني الصحي حوالي الفين جنيه
٢- المعهد الفني الشرطي من غير مصاريف
٣- معاون امن من غير مصاريف
٤-متخصصين من ٢٥الف جنيه الي٤٥الف جنيه
سادسا: مده الدراسه
١- المعهد الفني الصحي سنتين وبتتخرجي رقيب متطوع وطول مده الدراسه مقيمه في المعهد وبتنزلي اجازات كل خميس وجمعه من كل اسبوع ماعدا اول ٣شهور دول مقيمه في المعهد ومش بتنزلي خالص بيجيلك زيارات فيهم
٢-المعهد الفني الشرطي سنتين وبتتخرجي معاون امن ثالث وغير مقيمه في المعهد هما اول ٣شهور بس اقامه ومش بتنزلي اجازه فيهم بيحيلك زيارات وبعد ٣شهور بتروحي كل يوم وبيبقي بنظام كرت تردد تروحي من ٧الصبح لحد ٢الضهر وبعدين تروحي ويوم الجمعه اجازه
٣- معاون الامن مده الدراسه سنه ونص وبتنزلي احازات كل اسبوع خميس وجمعه ومفيش اجازه لمده ٣شهور ومقيمه في المعهد لمده سنه ونص
٤- مده الدراسه سنتين واول ٣شهور مفيش اجازه وبيحيلك زيارات وبعد ٣شهور بتنزلي كل ١٥يوم خميس وجمعه
سابعا: الترقيات
١-المعهد الفني الصحي بتتخرجي رقيب و بتترقي لحد ظابط
٢- المعهد الفني الشرطي بتتخرجي معاون امن ثالث واخرك معاون ممتاز ومش بتوصلي لظابط
٣-معاون امن ( معاون امن اول ومعاون امن تاني ومعاون امن ثالث ومعاون امن ثالث ممتاز ومعاون امن ثاني ممتاز ومعاون امن اول ممتاز ) لحد ما تطلعي معاش ومش بتترقي ظابط
٤ - متخصصين (ملازم اول .نقيب.رائد.مقدم.عقيد.عميد.لواء )
ثامنا: المرتبات
المعهد الفني الصحي بيقبيض اعلي من (المعهد الفني الشرطي) و(معهد معاون الامن) بس بحاجه بسيطه وبتبقي علي حسب المكان يعني قبض القاهره اقل من قبض الاسماعليه واقل من السلوم كل مكان وليه مرتباته بس المرتبات كويسه جدا و احسن من بره بكتير
٢-متخصصين بيبدا من ٨الاف
تاسعا :شغلك عباره عن ايه
١-المعهد الفتي الصحي بتبقي ممرضه في مستشفيات القوات المسلحة
٢-المعهد الفتي الشرطي ممرضه في مستشفيات الشرطه
٣ - معاون الامن بتبقي عنصر تفتيش او اداراه او اطفاء شغلك زي امين الشرطه بالظبط
٤- متخصصين بيبقي علي حسب تخصصك سواء شرطه او حربيه
عاشرا::ميعاد سحب الملفات
١- المعهد الفني الصحي ٢٣ يوليو الي ١٨ سبتمبر تقريبا"
٢- المعهد الفني الشرطي من ٧اغسطس الي٨سبتمبر تقريبا"
٣- معاون الامن بيبدا من اول شهر ٢ الاعلان بينزل لحد شهر٥ تقريبا"
٤- متخصصين شرطه في شهر٧ وخربيه في شهر١٠ ومتخصصبن شرطه فاتحه حاليا
احدي عشر:اماكن سحب الملفات
١-المعهد الفني الصحي (المعهد الصحي بحوش عيسي -المعهد الصحي باحمد جلال - المجمع الطبي بالاسكندريه - معهد الطب بالمعادي- المستشفي العسكري بالزقازيق- والمستشفي العسكري بدمياط- و المستشفي العسكري بسوهاج-والمستشفي العسكري ب٦اكتوبر
٢-المعهد الفني الشرطي مستشفيات الشرطه( مدينه نصر -طنطا - اسيوط - الاسكندريه )
٣- معاون الامن (معهد معاون الامن بطره البلد -ومعهد معاون الامن بوادي النطرون- ومعهد معاون الامن بسوهاج )
٤- متخصصين شرطه (كليه الشرطه )
متخصصين حربيه ( كليه الحربيه)
هعرض لحضراتكم الفرق بين :
المعهد الصحي للقوات المسلحة والمعهد الفني الصحي الشرطي :
🌷🌷أولاً: المعهد الصحي للقوات المسلحة
- يقبل ذكور واناث
- علمى علوم من الثانوية العامة وعلمى من الأزهر
- المجموع ٥٥ ٪والانجليزي ٥٠ ٪ فما أعلى
المعهد هيقبل الأعلى درجة في اللغة الإنجليزية لحين الإكتفاء بالعدد المطلوب
- الطول ١٧٠ للذكور و١٥٥ للبنات
الدراسة سنتان
الرتبه رقيب وكل خمس سنوات ترقيه
مكان العمل في المستشفيات العسكرية
دة المعهد الوحيد المتاح للبنات بعد الثانوية العامة
سحب الملف بالبطاقة وشهادة الثانوية العامة
يتم سحب الملف من احد الاماكن
المعهد الصحي للقوات المسلحة ذكور بحوش عيسى
والمعهد الصحى للقوات المسلحة إناث بأحمد جلال ، والمجمع الطبى للقوات المسلحة بالإسكندرية ، ومعهد الطب العسكرى بالمعادى ، والمستشفى العسكرى بالزقازيق ، والمستشفى العسكرى بدمياط ، والمستشفى العسكرى بسوهاج ، والمستشفى العسكرى بمدينة 6 أكتوبر
على أن يتم تقديم الملفات بالنسبة (للذكور) بالمدرسة الفنية للأجهزة والمعدات الطبية بكوبرى القبة ، وبالنسبة (للإناث) يتم تقديمها بالمعهد الصحى للقوات المسلحة إناث بأحمد جلال على أن يكون آخر موعد لتقديم الملفات
🌷🌷🌷🌷🌷🌷🌷🌷🌷🌷🌷🌷🌷🌷🌷
ثانياً: المعهد الفني الصحي الشرطي :
يقبل من الثانويه العامه علمي علوم بمجموع ٦٠ ٪ ذكور واناث
مده الدراسه عامين ...
بيتم التخريج الطالب علي درجه ((معاون امن ثالث))
وهي درجه شرطيه مستحدثه بديلا (( لامناء الشرطه / الدرجه الاولي / المناديب ))
بيتم التدريب الاولي ٩٠ يوم داخل معهد معاوني الامن
وبعد فتره التدريب الاولي يلتحق الطلاب بالمعهد الفني الصحي الشرطي
وعند التخرج يلتحق بجميع المستشفيات الخاصه بوزاره الداخليه
ويحصل الخريج علي دبلوم المعاهد الفنيه الصحيه الشرطيه
* شروط المعهد *
اقل طول للاناث ١٦٠سم
اقل طول للذكور ١٦٥سم
لايقل سن المتقدم عن ١٨ عام
ولا يزيد عن ٢٥ عام
للذكور : يمكن التقدم للحاصلين علي الثانويه العامه علمي ان يتقدم لسحب الملف
الاناث : يمكن التقدم لسحب الملف حاصلي الشهاده الثانويه علمي علوم
((المعهد بدون مصاريف)) و تتحمل الدوله فتره والتدريب والزي العسكري اثناء فتره التدريب وفتره الدراسه اثناء المعهد
يمنح الطالب او الطالبه مكافئه شهريه اثناء فتره الدراسه
الاستفاده من المزايا الماليه التي يمنحها صندوق التكافل الخاص بافراد هيئه الشرطه
يمنح المتفوقين والاوائل بجوائز ماديه ومعنويه
الاستفاده بجميع المزايا التي تتقدم لافراد هيئه الشرطه
يتم سحب الملفات من :
مستشفي مدينه نصر
مستشفي الشرطه بالاسكندريه
مستشفي الشرطه بطنطا
مستشفي الشرطه با اسيوط
سعر الملف ١٠٠ج ....
يتم سحب الملف بالبطاقه وصوره المؤهل الدراسي
